सुभाषचन्द्र देवकाेटादेश किन दुख्दैन ?
तर जब देशमा विपत्ति पर्छ सरकार सिंहदरवार भित्रै हराउँछ हाकिम र नेताहरु बैठकमै हराउँछन् देशहितमा लेखिएका भनिएका योजनाहरू काजमै बन्द हुन्छन् ।
सुभाषचन्द्र देवकोटा :
मेरो देश,
बहिरो छ सुन्दैन
अन्धो छ देख्दैन ।
कुद्ने कुरा गर्छ
हिँड्दैन ।
मेरो देशमा,
एउटा सरकार छ,
एक थान मन्त्रीहरू छन्
हाकिम र नेताहरू छन्
देश हितमा लेखिएका
योजना र परियोजनाहरू छन्।
तर
जब देशमा विपत्ति पर्छ
सरकार सिंहदरवार भित्रै हराउँछ
हाकिम र नेताहरु बैठकमै हराउँछन्
देशहितमा लेखिएका भनिएका
योजनाहरू काजमै बन्द हुन्छन् ।
जनताको पिडामा
आखिर,
किन देश उठ्दैन ?
जनता रुँदा
सरकारलाई किन दुख्दैन ?
०००
गोरखा, हाल काठमाडौं
Subscribe
Login
0 Comments
Oldest
