नेपाली हास्यव्यङ्ग्य अनलाइन पत्रिका

सुभाषचन्द्र देवकोटा :

सक्ने ले
ठग्ने हो ।
सक्नेले लुट्ने हो ।
किन भने यो नेपाल हो ।

हिजो मुर्ति चोर्ने
नि राजा भए
सर्पको छाला काण्डका नायक
नेता भए ।
गाई र गलैचा काण्ड लाग्ने ।
इमान्दार नेता मानिए
किन भने यो नेपाल हो ।

नदी र खोला कसले बेचेन ?
माटो र धर्म बेचेर कसले सत्ता किने न ?
जनताको गाँस खाने
को नेता भएन ?
किन भने यो नेपाल हो ।

सरकारी जमिन नखाने
को नेता भएको छ ?
ठगि र लुट नजान्ने
को नेता भएको छ ?
गुन्डाको काँध न चडी
को नेता सरकारमा पुगेको छ ?
किन भने यो नेपाल हो ।

हिजो भिम मल्ललाई
काट्ने पनि राजा नै थिए ।
कालुपाण्डेलाई गिड्ने पनि राजा नै थिए ।
सत्ताको लागि कसले हतियार उठाएन ?
सत्ताको लागि कसले
आफ्नैको गला रेटेन ?
किन भने यो नेपाल हो ।

राजा हुनेले
मुर्ति चोर्नै पर्ने ।
नेता हुनेले
ठग्न र लुट्न जान्नै पर्ने ।
सरकारी सम्पत्ति खानै पर्ने ।
सरकारमा जानेले
माटो, पानी र इमान बेच्नै पर्ने ।
किन भने यो नेपाल हो ।
सतीले सरापेको देश हो ।

०००
गोरखा, हाल काठमाडौं