हरिप्रसाद उप्रेतीपूरा भयो
तिम्रो यस्तै भयो रोगन् उड्दै गयो पङ्ख झर्दै गयो आशा मर्दैगयो ॥ थोरै बाँकी रह्यो बोल्ने ठाउँ रह्यो देश बिक्ने भयो अब निस्के भयो ॥
हरिप्रसाद उप्रेती :
तुक्का पूरा भयो
मुक्का पूरा भयो
सत्ता पूरा भयो
भत्ता पूरा भयो ॥
राहत् पूरा भयो
चाहत् पूरा भयो
बाटो पूरा भयो
मुखै छुरा भयो ॥
दान पूरा भयो
घान पूरा भयो
खेल पूरा भयो
जेल पूरा भयो ॥
लाज भाग्ने भयो
साख झर्ने भयो
झेल बल्ने भयो
खेल जल्ने भयो ॥
तीस बाँकी रह्यो
अन्य पूरा भयो
काम त्यस्तै न हो
बोली भित्रै रह्यो ॥
तिम्रो यस्तै भयो
रोगन् उड्दै गयो
पङ्ख झर्दै गयो
आशा मर्दैगयो ॥
थोरै बाँकी रह्यो
बोल्ने ठाउँ रह्यो
देश बिक्ने भयो
अब निस्के भयो ॥
०००
काठमाडौं
Subscribe
Login
0 Comments
Oldest
