नेपाली हास्यव्यङ्ग्य अनलाइन पत्रिका

उत्तमकृष्ण मजगैयाँ :

पटक पटक अनुरोध गरेर
निकै मुस्किलले मनाएको थिएँ
दिवा-भोजनका लागि
मन्त्रीजीलाई !
उनका लागि पाक्दै थियो घरमा
रातो मार्सीको भात, बट्टैँको झोल,
कवाफ र विविध पकवानहरू !
तर अबेरसम्म कुर्दा पनि
आएनन् उनी,
न त फोन नै उठाए !
मेरो दुर्भाग्य !
आजै खुस्किनुपरेको
सरकारसहित उनको मन्त्रीपद !
यसैसाथ मेरा सपना पनि
तुहिएर गए !
मभित्र औढाहा छुट्यो
आशा, भरोशा र आधार
सबै टुट्यो ! छिन्नभिन्न भयो !
पूरै जीवन बदलिन सक्थ्यो,
के गर्ने ! उनको सरकार गयो,
मेरो अवसर बेकार गयो !!

०००
दाङ