सुरेश राईचाैध ओटा पृथ्वी
मानव ओठको क्षेत्रफल कति हो ? ओठमा अचार लागेको भाग कति हो ? त्यसलाई पुछ्न आवश्यक कागज कति हो ? साथी ! यो सोच्नु पर्ने कुरो हो ।
सुरेश राई :
स्वाट् !
स्वाट् स्वाट् !
स्वाट् स्वाट् स्वाट् !
स्वाट् स्वाट् स्वाट् स्वाट् !
स्वाट् स्वाट् स्वाट् स्वाट् स्वाट् !
ओठमा लागेको
जाबो एक पित्को अचार पुछ्न
कुनै रेस्टुरेन्टमा
टेबलमाथिको बक्सबाट
टिस्यु पेपेर थुतिएको अवाज हो यो
प्रति स्वाट्
एक पत्ता कागज ।
सित्तैमा आएको ठानिएको
जाबो एक पत्ता टिस्यु ।
मानव ओठको क्षेत्रफल कति हो ?
ओठमा अचार लागेको भाग कति हो ?
त्यसलाई पुछ्न आवश्यक कागज कति हो ?
साथी !
यो सोच्नु पर्ने कुरो हो ।
आफैलाई सोधी हेर्नुहोस् एकफेर
तपाईं कति ‘स्वाटे’ हुनु हुन्छ ?
यदि धेरै ‘स्वाटे’ हुनुहुन्छ भने
हावा, पानी, माटो र वनस्पति
प्रशस्तै तपाईंलाई चाहिए जति
सम्पूणर्ता भएको
बाँकी अपुग १४ ओटा पृथ्वी
म कहाँबाट ल्याऊँ ?
०००
बाम्राङ, खोटाङ ।
Subscribe
Login
0 Comments
Oldest
