नेपाली हास्यव्यङ्ग्य अनलाइन पत्रिका

जगदीश्वर पाेखरेल :

धरा पुज्न पर्ने हो
कुरा बुझ्न पर्ने हो
चुराले धसेका छन्
जुँग झन् फसेका छन् ॥१

इमानी थिए पैले
कमानी गल्यो ऐले
जुँगा नै कसेका छन्
चुराले धसेका छन् ॥२

तिखार्ने उनै हुन्छन्
बिगार्ने कुरा बुन्छन्
जुँगा छन् बिकामी झन्
चुराकै कुरामा छन् ॥३

स्वयं नै सती भन्छन्
यिनै मन्थरा बन्छन्
जुँगा बन्छ लाछी झन्
चुराका कुरा सुन्छन् ॥४

जुँगा आज भोगी भो’
गयो शान ढोँगीथ्यो
चुरा भद्र साथी हुन्
घमण्डी खुनी हुन्छन् ॥५

०००

पाउँदीबजार, लमजुङ
सम्प्रति- सन्तोषीनगर, कलङ्की