खगेन्द्र नेउपानेछाडा कविता
कर्मचारी इमान छाडा शिक्षक सम्मान छाडा व्यापारी लाज छाडा ताेरीलाहुरे काज छाडा छाडै छाडाकाे परिवेश छ संसारमा कहिं नभएकाे मेराे देश छ ।
खगेन्द्र नेउपाने :
नेता गतिछाडा
कार्यकर्ता मुखछाडा
अभिनेता शरमछाडा
पण्डितहरु धर्मछाडा
छाडैछाडाकाे परिवेश छ
संसारमा कहिं नभएकाे मेराे देश छ ।
कमेडियनहरु छाडा जाेक नभै शाे चल्दैन भन्छन्
पल्लाघरे साईँलाे छाडा भै च्वास्सच्वास्स निस्कन्छन्
छाडा गायक सेलिब्रेटी बन्छन्
जताततै छाडाकै भिउज बढेकाे छ
सञ्चारमा छाडाकै न्युज चढेकाे छ ।
कर्मचारी इमान छाडा
शिक्षक सम्मान छाडा
व्यापारी लाज छाडा
ताेरीलाहुरे काज छाडा
छाडै छाडाकाे परिवेश छ
संसारमा कहिं नभएकाे मेराे देश छ ।
कसैले समाजसेवाकाे नाममा चन्दा चलाए
कसैले कालाे नाेट लुकाउँन सहकारीकाे धन्दा चलाए
सामाजिक सञ्जालमा छाडा बिकिरहेछ
राजनीतिमा छाडा टिकिरहेछ
हाे हजुर !
सबै सबैतिर छाडाकै परिवेश छ
संसारमा कहिं नभएकाे मेराे देश छ ।
०००
गाैरादह, झापा
असल बिद्यार्थी युवा देश छाडा
परिश्रमी युवाहरु पनि देशै छाडा
प्रशाशक प्राध्यापक डाक्टर पनि देशै छाडा
कस्ले पाल्ने गाउँघरमा बाछा पाडा
सबै खालि हुँदै गए रमणिय डाडा काँडा
जताततै देश छाडाकै उछिनपाछिन छ
संसारमा युवा बेचेर खाने मेरै देश छ।