नेपाली हास्यव्यङ्ग्य अनलाइन पत्रिका

खगेन्द्र नेउपाने :

नेता गतिछाडा
कार्यकर्ता मुखछाडा
अभिनेता शरमछाडा
पण्डितहरु धर्मछाडा
छाडैछाडाकाे परिवेश छ
संसारमा कहिं नभएकाे मेराे देश छ ।

कमेडियनहरु छाडा जाेक नभै शाे चल्दैन भन्छन्
पल्लाघरे साईँलाे छाडा भै च्वास्सच्वास्स निस्कन्छन्
छाडा गायक सेलिब्रेटी बन्छन्
जताततै छाडाकै भिउज बढेकाे छ
सञ्चारमा छाडाकै न्युज चढेकाे छ ।

कर्मचारी इमान छाडा
शिक्षक सम्मान छाडा
व्यापारी लाज छाडा
ताेरीलाहुरे काज छाडा
छाडै छाडाकाे परिवेश छ
संसारमा कहिं नभएकाे मेराे देश छ ।

कसैले समाजसेवाकाे नाममा चन्दा चलाए
कसैले कालाे नाेट लुकाउँन सहकारीकाे धन्दा चलाए
सामाजिक सञ्जालमा छाडा बिकिरहेछ
राजनीतिमा छाडा टिकिरहेछ
हाे हजुर !
सबै सबैतिर छाडाकै परिवेश छ
संसारमा कहिं नभएकाे मेराे देश छ ।

०००
गाैरादह, झापा