रामदेव पाण्डेमान्छे कि जन्तु
मान्छे बरु भोकै मरुन् छैन चिन्ता केही भेटि प्रसाद दिनु पर्छ घाम जूनलाई अर्कै मान्छे लड्नु पर्छ खुसी हुनलाई अर्कै मान्छे उठ्नु पर्छ दुखी हुनलाई ।
रामदेव पाण्डे :
अर्कै मान्छे लड्नु पर्छ खुसी हुनलाई
अर्कै मान्छे उठ्नु पर्छ दुखी हुनलाई
शिक्षा तालिम चाहिने हो राम्रो कुरा गर्न
सिकाउनै पर्दैन भो छुसी हुनलाई
तेरा बाउ मर्दाभन्दा मेरा बाउ मर्दा
पर्ने रहेछ पिर बढी सम्झी रुनलाई
कुकुर बिरालोको जुठो पनि हुन्छ चोखो
लाग्छ तर पाप यहाँ मान्छे छुनलाई
मान्छे बरु भोकै मरुन् छैन चिन्ता केही
भेटि प्रसाद दिनु पर्छ घाम जूनलाई
अर्कै मान्छे लड्नु पर्छ खुसी हुनलाई
अर्कै मान्छे उठ्नु पर्छ दुखी हुनलाई ।
०००
काठमाडाैं
Subscribe
Login
0 Comments
Oldest
