राजेन्द्र घायलजनलोकबाट धनलोक अर्थात सत्तालोकमा पुगेपछि
ती हाम्रै जनलोकमा जब थिए सामान्य देख्थ्यौं अति सत्ता वा धनलोकमा जब पुगे जोडे निकै सम्पति के हेर्थे भुइँमा झुकेर अब ती छन् माथि जो शिर्षमा सत्तालोक पुगे नि भाग्य बलियो क्या रै´छ संसारमा ।
राजेन्द्र घायल :
निष्ठा नैतिकता विचार अथवा सिध्दान्त सड्दै गयो
ईर्ष्या डाह अहम् घमण्ड शिरमा बिस्तार चढ्दै गयो
त्यागी नायक क्रान्तिका धरहरा योध्दा भनेका सबै
सत्तालोक पुगेर रित्तिन गए सड्दै गले मक्किँदै ।
के गर्थें कसरी पुगें शिखरमा कस्ले बढायो अघि
के भन्थें अघि अाज के गरिरहें हेक्का छँदै छैन कि
कस्तो लोक रहेछ त्यो बिगतका सम्पूर्ण बिर्साउने
कुल्ची मानवता रमाइरहने स्वार्थी र लोभी हुने ।
साथी दुश्मन झैं हुने र अघिका जो जो थिए दुश्मन
ती अाफन्त हुने सुझाव तिनकै गर्ने सधैं पालन
जस्ताको पनि फेर्न सक्छ सजिलै त्यो टाउकाको गिदी
ज्याद्रो लोक रहेछ जादु त्यसमा देखिन्छ कस्तोविधि ।
ती हाम्रै जनलोकमा जब थिए सामान्य देख्थ्यौं अति
सत्ता वा धनलोकमा जब पुगे जोडे निकै सम्पति
के हेर्थे भुइँमा झुकेर अब ती छन् माथि जो शिर्षमा
सत्तालोक पुगे नि भाग्य बलियो क्या रै´छ संसारमा ।
०००
चितवन
घायलकाे घुयेँत्राे (२०८१)
Subscribe
Login
0 Comments
Oldest
