नेपाली हास्यव्यङ्ग्य अनलाइन पत्रिका

बालकृष्ण खनाल :

१)
विश्वविद्यालयहरू बन्द गर्नु पर्छ अब
१२ भन्दा बढी यहाँ कस्को छोरो पढ्छ अब
उद्योग र नदी नाला सत्तासँग साट नेता
सरकारको मस्ती गर्ने रेमिटेन्स झर्छ अब।

२)
केही वर्षपछि यहाँ विकासले अकास छुन्छ
खेती योग्य जग्गा मासी कंक्रीटको देश हुन्छ
आज उतै जन्माएको नाति र नातिनी बरा
भविष्यमा स्वदेश आयो भने ऊ निस्सै रुन्छ।

३)
विद्राेह भएकै वेस मुर्दा शान्ति हुन भन्दा
शहीद बनी मर्न गति कोरिका पाउँ छुन भन्दा
ए नेपाली जागौँ अब दास बनी कति बाँच्ने ?
भोकै मर्न बेस बरू अघाएर रुन भन्दा ।

०००
टिकापुर, कैलाली