नेपाली हास्यव्यङ्ग्य अनलाइन पत्रिका

चन्द्रप्रसाद न्याैपाने :

पात्राे च्याती शर्माजीले धुलाैटाेमा पिँधे
पूर्वराजा गुरुङकाे साइतमा हिँडे
ऋण तिर्न प्रसाईंले खाेज्न थाले अंश
कुमाईकाे घुमाइमा ठकुरीकाे वंश

खाेर्सानीमा भन्दा बढ्ता नुनमा छ पिराे
खर्दार सुब्बा असी नब्बे कुलमान जीराे
मैले ल्याएँ गणतन्त्र प्रचण्डले भन्छन्
नीतिगत भ्रष्टाचार केपीबाले गन्छन्

बालेन, रवि काका मामा भइसके सब
देउवाजीकाे ओठमुख कलिलै छ अझ
आर्जुजीकाे स्तनपान गर्ने काङ्ग्रेस पार्टी
ज्वानुझाेल नपुगेकी रामकुमारी झाँक्री

बाबुराम अनपढ, मूर्ख नेपाल बाजे
त्यसैले त ज्ञानेन्द्र छन् राप्रपाका साझे
चाैरासीकाे चाैरासीमा साेह्र बाँकी सय
कति आउला सिट हजुर भन्छु बाँचिरहे ।

०००
भक्तपुर