नेपाली हास्यव्यङ्ग्य अनलाइन पत्रिका

चन्द्रप्रसाद न्याैपाने :

तिनीले गरेनन् र मानाे भरेनन्
यिनीले ठुलाे काे र सानाे भनेनन्
पुराना बुढामा जदाैसाथ बाई !
न ता फाेन आई न बैनी न भाइ

समाए रमाए कता के बजाए
कतैका लजाए कतैका डराए
यिनीले कजाए गरेका मजा ए
यिनी या तिनी हुन् उही हुन् कडा रे !

तिनीमा दरै पाे थिए बाहु पाउ
यिनीमा अझै झन् गुजी हाउ हाउ
नयाँ भाउ आयाे परे छक्क बाउ
तिनी पाउवाला यिनी खाउ साहु

चिमाेटे तिनीले निमाेठे यिनीले
अझै थेग्न सक्ने दुवै छन् जिमीले
तिनी नाक चुच्चे यिनी कान बुच्चे
लडे कत्ति भुक्के परे दङ्ग फुच्चे

बतासे र हाँसे बने मध्यमार्गी
कतै नाम सीता कतै सान गार्गी
बने बुद्ध काेही अरे क्रुद्ध काेही
भनी साेध्न थाले छ ए शुद्ध काे यी ?

०००
सिन्धुपाल्चाेक