नेपाली हास्यव्यङ्ग्य अनलाइन पत्रिका

चन्द्रप्रसाद न्याैपाने :

काङ्ग्रेस :
खायाैँ कत्ति बनी ठालु छाड्दे विकासकाे कथा
चुनावमा जिती हाल्छाैँ हामीमै छ सधैँ मजा
सात साले ठुला भाले भन्या बाले विपी भनी
भजेका छन् अझैसम्म किन डग्थे यहाँ यिनी ।

एमाले :
राष्ट्रवादी अरू काे छ प्रगतिशील कर्ममा
तलमाथि मिली खाने डेग चल्दैन धर्ममा
चाेथालेसाथ गाेठाले खुसखुसे चिँचीँ मुसे
धेरैतिर यिनी नै छन् मरन्च्याँसे घुसे टुसे ।

नेकपा :
मानवता भनी युद्ध थाेरै-थाेरै विकासमा
जुल्फी काेरी हिराे बन्दा घटेका छाैँ निकासमा
क्रान्ति माओ हटे सारा केपी शेर मिलाउँदा
घट्याे बिस्कुन जाे आफै सुकाउँदा भिजाउँदा ।

रास्वपा :
खाए ग्वाम्मै पुरानाले जेलमा थुन्नु पर्दछ
नारा भुट्ने सके लुट्ने ऐतिहासिक बन्दछ
मेरी बन्न तिमी आए दिन्छु तारा टिपी प्रिया !
फल आकाशकाे ताक्ने भइँतिर छरी बियाँ ।

अन्य :
सानाे गाँस भुँडी घ्याम्पे राप्रपा छु कठैबर !
घर झिँगटीले छाए चाहियाे किन पाे खर ?
माटाे बत्ती बने कत्ति यताउता जताततै
नेपाल देश हाे साझा सबैमा छ सलाम है !

०००
सिन्धुपाल्चाेक