सुरेश राईदुई घुर्की मेरी ज्यानलाई
उचालुँ धनुष ? फड्कारूँ ताँदो ? साँधु निशाना ? खसाल्दिउँ तीन तारा ? लु भन मेरी ज्यान तिमी तीन तारा घटेको थोते आकाश सहन सक्छौ त ?
सुरेश राई :
घुर्की नं-१
हुन्छ एउटा प्रेमी
क्यामेरा भएको
जो विछ्यौनाका अन्तरंगहरू खिचौँ न भन्छ ।
हुन्छ एउटा प्रेमी
आँखा भएको
जो सुन्दर यौवनाहरू देख्यो कि
नजरको कारपेट बिछ्याई हाल्छ ।
हुन्छ एउटा प्रेमी
‘सूरत’ परेको ‘सीरत’ भएको
ठ्याक्कै मै जस्तो हौ ! मै जस्तो ।
तिमी त
भाग्यमानी रैछौ मेरी ज्यान !
घुर्की नं-२
उचालुँ धनुष ?
फड्कारूँ ताँदो ?
साँधु निशाना ?
खसाल्दिउँ तीन तारा ?
लु भन मेरी ज्यान
तिमी तीन तारा घटेको
थोते आकाश सहन सक्छौ त ?
०००
बाम्राङ, खोटाङ
Subscribe
Login
0 Comments
Oldest
