नेपाली हास्यव्यङ्ग्य अनलाइन पत्रिका

बद्रीप्रसाद दाहाल :

पानी वा बिजुली भिसा पर-दिशा, शिक्षा र दीक्षातक ।
खानी-इन्धन-बालुवा -जडिबुटी, जग्गा- वनेली सब ।।
यातायात र स्वास्थ्य -भूमि-जलमा, नाच्छन् कडा माफिया ।
रम्छन् भूतहरू इमान थिचिँदा, मर्ने भयाे सभ्यता ।।

कस्ता जब्बर यी किटाणु खतरा, पस्छन् सबै अङ्गमा ।
घुस्छन् मेडिकलै र हस्पिटलमा, नाना थरी रङ्गमा ।।
अङ्गै अङ्ग झसङ्ग भङ्ग मुलुकै, पार्लान् कडा माफिया ।
मात्रै बर्बर गर्दछन् शिव हरे, चुड्का छरी काफिया ।।

०००
नीलकण्ठ, धादिङ