नेपाली हास्यव्यङ्ग्य अनलाइन पत्रिका

डा. लोकेन्द्रप्रसाद पौड्याल :

सानै देखि हामी दुई
सँगै पढ्या मित्र
आपसमा सङ्गत थियो
घनिष्ट विचित्र

एकै थिए कितावहरू
विचार साट्दै पढ्ने
राम्रो थियोे सहकार्य
कक्षा अघि बढ््‌ने

गुरु थिए एकैथरी
सिकाउनेे ज्ञान
भन्थे हामी संंधै जोडा
पूरैै एकसमान

पढाइ लेखाइ राम्रो थियो
विषय नि उही
पछि हामी फरक भयौं
राजनीतिमा दुई

मेरो विवेक यौटा भयो
उनको अर्कैथरी
झल्को लाग्छ पुराना दिन
मनमा घरिघरी

अहिले उनकोे पार्टी यौटा
मेरो पार्टी अर्को
राजनीतिले कोरिदियो
हामी बीचमा धर्को

दुवैजना सही ठान्छौं
आफ्नो आफ्नो बाटो
सहकार्य गर्न खोज्दा
निस्की हाल्छ फाटो

नदी किनार जस्तो भाछौंं
वल्लोे–पल्लो बनी
राजनीतिले बदल्दियो
घनिष्टता पनि ॥

०००
काठमाडौं