साइबर अपराध सम्बन्धी सचेतना सामग्री

श्रीमती पुराण

"गृहलक्ष्मी" नाम कति प्यारो, नाम अनुसारको काम मिलेको कति सारो, कडोरी मल, हजारीमल सब यिनकै दास ; घरमा जतिसुकै कमाएर ल्याऊ सब सर्वनास ।

Nepal Telecom ad

यादव खरेल :

टाउकेदेखि ख्याउटे कविसम्मले बयान गरेर पार नपाएको,
अहिलेकी श्रीमतीको म के पुराण सुनाउँ ?
झ्याउरेदेखि फ्याउरेसम्मले गाएर नटुङ्गिएको
म के गीत गाउँ ?
विष्णुका झैं यिनका पनि कति हुन कति अबतार,
ब्रह्मा, विष्णु, महेश्वर तिमी नै,
तिम्रो लिला अपरंपार ।

विवाह भयो घरमा आइन्
शान्त मूर्ति नाम कमाइन्र,
श्रीमानलाई गुरू मन्त्र सुनाइन,
अलि दिनमा नै बम पड्काइन् ।
अनि
राम, लक्ष्मण बनबास पसेका
नङ मासु भै मिलि बसेका
दुबै भाइ गर्छन् मारामार;
तिम्रो लिला अपरंपार ।

सिनेमा आयो टिकट ल्याऊ,
बेलुको न्यूरोडको सफर हुन्छ, पछि पछि धाऊ,
दिउँसो कुनै युवतीसंग भेट भयो ? सब बयान सुनाऊ,
जे जे दिन्छिन सुरू सुरू खाऊ ।
होइन भने,
महाभारतको रिहर्सल, आफ्नो बेहाल,
साथै सूचना टांगिन्छ “चूलो हडताल”,
तिमी नै रक्षक, तिमी नै भक्षक, तिम्रो लिला अपरंपार ।
“गृहलक्ष्मी” नाम कति प्यारो,
नाम अनुसारको काम मिलेको कति सारो,
कडोरी मल, हजारीमल सब यिनकै दास ;
घरमा जतिसुकै कमाएर ल्याऊ सब सर्वनास ।

यसो नगरन भन्यो भने
आफ्नै घरमा नयाँ प्रदर्शनी खुल्छ,
टोल भरि घर घरमा के के कुरा पुग्छ,
आखिर साँक्क, सुँक्क, घाँक्क घुँक्क रुवाई सुरू हुन्छ-
जब सब अस्त्र हुन्छ बेकार;
तिमी विनु मेरो छैन सहारा
तिम्रो लिला अपरंपार ।

०००
०२९ कातिक ११
खलबल (२०४६)

Subscribe
Notify of
guest

0 Comments
Oldest
Newest Most Voted
Nepal Telecom ad
दुई दनक

दुई दनक

यादव खरेल
मैन जस्तो ऐन

मैन जस्तो ऐन

यादव खरेल
जनता

जनता

यादव खरेल
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x