खगेन्द्र नेउपानेहात्ती आयाे
हात्ती आयो हात्ती आयो फुस्सा तर कुकुर भुकिरहेका छन् यो नगरपालिका पनि कस्तो ? जाबो कुकुर नियन्त्रण गर्न सक्दैन ।
खगेन्द्र नेउपाने :
सपनामा हात्ती आयो
कुकुरहरु चोकमा निस्किएर
तमासले भुके
खुला र बेवारिषेहरु
लुतो ग्रस्त आरिसेहरु
हात्ती पछारौंला झैं भुके
मालिकको काखका भोक्ताहरु
कौसी र बार्दलीबाटै भुके
तर हात्ती बेवास्ता प..र कुइँनेटोबाट उतै लाग्यो ।
हात्ती आउँदा
बन्धनका गाईहरु पनि ठाडा कान लगाए
तर कराएनन्
खोरका बाख्राहरु पनि सतर्क भए
तर डराएनन्
रुख रुखका चराहरु
दुख सुखका बचराहरु
कोहि कतै आत्तीएनन्
बरु खिच्चाहरु बेलगाम
एकोहोरो कराइ रहे
आवाजले ब्युँझिएछु
धत् दिउँसै पो निदाइएछ !
हात्ती आयो हात्ती आयो फुस्सा
तर कुकुर भुकिरहेका छन्
यो नगरपालिका पनि कस्तो ?
जाबो कुकुर नियन्त्रण गर्न सक्दैन ।
०००
गाैरादह, झापा
Subscribe
Login
0 Comments
Oldest
