नेपाली हास्यव्यङ्ग्य अनलाइन पत्रिका

जगदीश्वर पाेखरेल :

सदा सुनाउन् खग रम्य भाखा ।
पहाड हाँसून् हिम शैल पाखा ।।
अभावमा शोषण हुन्न हर्ष ।
अन्याय जालो‘ नव’ फाल‘ वर्ष’ ।।१

गुराँस लाली तनमा सजाऊ ।
नेपालको शान अझै बढाऊ ।।
नवीन सन्देश विचार साझा ।
लिएर आऊ नववर्ष बाजा ।।२

अभाव जे छन् सब देश भर्छ ।
छन् भ्रष्टचारी जति फाल्नुपर्छ ।।
विचार कालो नित लिन्छ गोही ।
भोका र नाङ्गा हुनु हुन्न कोही ।।३

उत्साह ल्याओस् नव कर्म गर्न ।
होस् एकता दिव्य अभाव भर्न ।।
नवीन पात्रो छवि लेख्छ कर्म ।
विक्री नहोस् कत्ति इमान धर्म ।।४

उमङ्ग ल्याऊन् ऋतु वार बेला ।
हटेर जाऊन् ननिका झमेला ।।
विनम्र बन्दै रवि वन्दना छ ।
नेपाललाई शुभकामना छ ।।५

०००
लमजुङ