नेपाली हास्यव्यङ्ग्य अनलाइन पत्रिका

डा. लोकेन्द्र पौड्याल:

घर चोरिँदा गुहार मागेँ
छरछिमेकीसँग
पुलिस थाना दगुरियो
सुनाउन प्रसङ्ग

दिक्क पुलिसदाइले भने
के समात्नु चोर ?
नेता फोन आएपछि
नछोडिने हो र ?

उनीबाट नभएछि
प्रशासक घर गएँ
भनिदिउँला भन्दै टारे
भर नपर्दो भए

पल्लो घरमा नेता बस्थे
उनलाई बिन्ती गरेँ
उनी आफ्नै चुनावक्षेत्र
भन्दै पछि सरे

समाजका अगुवासँग
पनि गुहार मागेँ
तिनले अनेक कथा जोड्दै
बुद्धि बाँड्न लागे

सबैतिर कुरा मात्र
भए अनगिन्ती
तर खासमा सुनिएन
मेरो मुख्य बिन्ती

न्याय खोज्ने चक्करमा
समय गो खेर
भित्रीमनले भन्नथाल्यो
“दैव चाला हेर”

अव एकै ठाउँ छ बाँकी
गुहारौँ कि डाँका ?
उस्ले भए खोज्दिन्थ्यो कि
बरु नाकानाका ? ॥

०००

काठमाडाैं