नेपाली हास्यव्यङ्ग्य अनलाइन पत्रिका

बिनुबाबा घिमिरे :

मलाइ सरकारसँग विश्वास छ
मलाइ तरवारसँग विश्वास छ

किन थाहा छ ?
सरकार भए तरवार हुन्छ
तरवार भए सरकार हुन्छ
मलाइ दरबारसँग पनि विश्वास छ
दरबार भए कर्णधार हुन्छ
कर्णधार भए दरबार हुन्छ
दरबारसँग सरकार छ,
सरकारसँग तरबार छ

हुकुम चलाउनेले तरबार चलाउँछ
तरबार चलाउनेले हुकुम चलाउँछ
अझ मलाइ हकदारसँग पनि विश्वास छ
हकदार भए बफादार हुन्छ
बफादार भए घरबार हुन्छ
घरबार नभए पनि सरकार त हुन्छ
सरकारको हकदार जमदार हुन्छ
जमदार साहृै बफादार हुन्छ

हातमा गोप्य तरबार हुन्छ
तरबारसँग सरकार हुन्छ ।

०००
कलङ्की, काठमाडाैं