बिनुबाबा घिमिरेबाह्रहाते पुजारी
छोरा नातीसँग पिरोलिए बाह्रहाते पुजारी गम्दै धेरै पनि उफ्रिने देशकै धुर उधारी आफ्नै साथीसँग टिमुर्रिने बाह्रहाते पुजारी ।
बिनुबाबा घिमिरे :
मागे भन्दा बढि बढि दिने बाह्रहाते पुजारी
त्यागे भन्दा अरू बढि लिने बाह्रहाते पुजारी
केही नौलो गफ पनि दिने तेह्रहाते छ दाह्री
साह्रै मिल्दो रफ झप हुने बाह्रहाते पुजारी ।
खोजी नौला नियमहरूले देश नौलो बनायो
मायाँ गर्ने बचनहरूको सास साह्रै गनायो
बेची सारा रनबनहरू बस्दछन् टाकुरामा
घिच्दै सारा रमपमहरू मोलिए माकुरामा ।
अन्तै मिल्नेहरू पनि बढे स्वर्गको रूपदेखी
बढ्दैजाने जलनहरू हो प्रेमको हुपदेखी
छोरा नातीसँग पिरोलिए बाह्रहाते पुजारी
गम्दै धेरै पनि उफ्रिने देशकै धुर उधारी
आफ्नै साथीसँग टिमुर्रिने बाह्रहाते पुजारी ।
०००
कलङ्की, काठमाडाैं
Subscribe
Login
0 Comments
Oldest
