नेपाली हास्यव्यङ्ग्य अनलाइन पत्रिका

अमर सन्तति :

१.
खेतबारी बाँझो नै छ फले भ्युटावर
यता बस्ती अँधेरो नै छ बले भ्युटावर
युवा जति सिञ्चित गर्न लागे पराइभूमि,
काका पनि लर्को हेर्न चले भ्युटावर ।

२.
बिरोधीको आँगनमा प्रशासन धाउँन थालेको छ
प्रतिशोधले दह्रो आसन जमाउँन थालेको छ
कोही दरबारमा त कोही भ्युटारमा बसेर हेरौँ
साँच्चै अचेल देशमा सुशासन आउँन थालेको छ ।

३.
विसङ्गति र बेथितिको बसाउँछ चाङ चुली
इज्जतको ख्याल छैन, खसाउँछ इर्ष्याधुली
कर्तव्यनै भुली आफ्नो ढुक्कै बसी आसनमा,
हास्यकलाकारलेझैँ दुनियाँ हसाउँछ घरमुली ।

०००
भक्तपुर