नेपाली हास्यव्यङ्ग्य अनलाइन पत्रिका

उत्तमकृष्ण मजगैयाँ :

अगुवा छान्नुपरेकाले
एउटा ठूलो सभा भयो
सानो ठूलो प्रत्येक पशु
त्यस सभागृहमा गयो ।

धेरै गुण- सम्पन्न भएको
एउटा पशु थियो त्यहाँ
बत्ती लिएर खोजे पनि
व्यक्तित्व त्यस्तो मिल्नु कहाँ ?

सबै भन्दा योग्य व्यक्ति
छानी उसको मान गरे
पूर्ण बनाउन केही न केही
आफ्ना गुणहरू दान गरे ।

दियो सिहले शक्ति र गर्जन
भालुले क्रूरता दान दियो
स्यालले दियो धूर्त्याई र
सर्पले विष-अभिमान दियो ।

गोही, बाँदर, उल्लु, चमेरो
ब्वाँसो, कौवा, चिलले दिए
छेपारो र गिद्धबाट ली
पशुत्वमा यी महान भए ।

सर्वगुणी को ? कसको शिरमा
बाँधिन लाग्यो फेटा जी ?
एउटै निर्विवाद व्यक्ति
हाम्रा प्यारा नेताजी !

०००
दाङ
तिमी नरहे देश डुब्न्याछ (२०५६)