नेपाली हास्यव्यङ्ग्य अनलाइन पत्रिका

रामदेव पाण्डे :

नबोल है धेरै बुढी
नजानी नजानी
पढ्नु पर्छ ग्रन्थका
कथा कहानी
मूर्ख हुन् ती त
डबल श्रीमती कानुनको
कडा विरोध गर्नेहरू
कानुनको कुुरा उठ्दैमा
लुगलुग काँप्दै छेर्नेहरू
अनपढ गँवार कहीँका
दशरथका तीनओटी थिए
र त
राम लक्ष्मणलाई जन्म दिए
के हुन्थ्याे हुन्थ्याे?
एउटै रानी हुन्थिन् भने
बोल्नुअघि
एकचोटी रामायण पढ बुढी
ठिक छ बुढा
म त पढ्छु रामायण
तिमी पढ महाभारत
द्रौपदीका पति पाँच पाँच थिए
पाँचैले उत्तिकै माया दिए
ल्याऊ बनाऔँ त्यसो भए
कानुन नयाँ बराबरीकाे
झैझगडा बन्द गरौँ भो
ठिक छ तिमी दशरथ बन्नु
द्रौपदी बन्छु म पनि
तिमी मलाई केही नभन्नु !

०००
काठमाडाैं