नेपाली हास्यव्यङ्ग्य अनलाइन पत्रिका

डा. गाेविन्दराज भट्टराई :

सोफिया बुरुक्क उफ्रिन् किनभने यो
अपार खुशीको दिन थियो
अब नारीले पनि दुइटा पाउने भो
नयाँ कानून एस्तो शक्तिशाली भो
हजारौँ वर्षको अन्याय र दलन सिध्याएर
नयाँ चलन आउने भाे

तेसो ता नौलो छैन पुरुषले दुइटा राखेकै हो

यो कुरा सुनाइनँ बन्दनालाई,
फेरि क्रिपाणी र करमालाई
अब एउटाले भात पकाउँछ अर्काले नानी हेर्छ
कैलेकाहीँ यसरी टिक्टोक जान पाइयोस्
कहिले तीज र तिहार अलिक अबेरसम्म नाच्न पाइयोस्

धेरै भो हाम्रा आमा बुढीआमाहरूले
पुरुषको सास्ती खेपेको
म त देखाइदिनछु दुइटी हुँदा के हुन्थ्यो
एउटा पसल जाला
अर्को बाइकमा मलाई घुमाउला
फर्केर आएसी यसले भात पकाउला
उसले कुचो समाउला

बल्ल गणतन्त्र लाग्ने भो
बल्ल जिन्दगी जाग्ने भो
ल्याओ दुइटै ल्याओ ।

०००
कीर्तिपुर