नेपाली हास्यव्यङ्ग्य अनलाइन पत्रिका

बिनुबाबा घिमिरे :

आफै गर्छु भ्रष्टाचार आफै बान्छु राखी
नेपालको नियम र कानूनलाई ताछी
छैनन् बोल्ने मान्छे कोहि बोले पत्याउँछन्
यस्तै त हो जिन्दगानी मन बुझाउँछन्

उल्टो बोले पत्याउने सुल्टो पत्याउँनन्
सुल्टो सुल्टो बोले बरू गलहत्याउँछन्
मोटो देश पर्यो यो त भ्यात्लो राम्रो हुन्न
सकेसम्म ताछ्नपाए घट्ने केही छैन

सून फल्छ चाँदी फल्छ भन्छन् यहिँ सारा
धनीमानी बन्न सकौं यही सबको नारा
सधैँभर गाईजात्रा देशैभरी यहाँ
रोपाईंजात्रा गमलामा हाम्रो कान्तिपुरमा

बिना काम खान पाए काम किन गर्ने ?
भाषणले पुगे किन काममा अघि बढ्ने ?

०००
कलङ्की काठमाडाैं