नेपाली हास्यव्यङ्ग्य अनलाइन पत्रिका

कमला पन्थी अधिकारी :

तीज हाे अथवा जात्रा निम्ताे याे भाेटकाे कतै
राजनीति भयाे तीज लाजनीति हट्याे कठै
मैना दिन अघिबाट दरकाे निहुँमा जुट्याैँ
हड्डी मासु तथा दारु पुलाउ हसुरी हिड्याैँ । १ ।

नियन्त्रण गराेस् कस्ले निमन्त्रणा कति कति
उफ्रियाैँ दर खाएर संघ संस्थातिरै पुगी
प्रतिस्पर्धा निकै चर्काे टाेल टाेल जताततै
किनमेल हुँदा धेरै व्यापारी खुस छन् सबै । २ ।

राताे साडी लगाएर कर्ण -कण्ठ सजाउँदै
मुस्कुराएर हिड्दैछाैँ अत्तर पनि छर्कद‌ै
जे जे हाेस् घरकाे काम तीज आयाे घुमी अनि
मेख मारेर नाच्ने हाे गीतकाे तालमा रमी ।३ ।

पार्टी प्यालेस छन् धेरै दर खाई रमाउँछाैँ
माैका हाे तीजकाे बेला के का लागि कमाउछाैँ ?
साथी सँगी दिदी ब‌ैनी माहाेल दरकाे सधैं
कुरा काट्नेहरू काटून् नाच्दछा‌ छम्छमी अझै ।४ ।

०००
कलङ्की, काठमाडाैं