नेपाली हास्यव्यङ्ग्य अनलाइन पत्रिका

बालकृष्ण खनाल :

(१)
सधै तर्सन्छ शासक कलमको बम भनेर
बुझेको छ सत्ता पल्टाउँछ कलम भनेर
त्यसैलेत सम्मानको नाउँमा नुनचुक दल्दछ,
प्रगतिशील लेखकको घाउमा मलहम भनेर।

(२)
जेठो छोराले पढेर विद्वान् भएछ
कान्छो मेहनती थ्यो किसान भएछ
माहिलो लठ्ठकले खरानी घस्थ्यो,
ढोग्छन् प्रायले उहीँ भगवान भएछ।

(३)
जसलाई हिजो तिमी सम्झन्थ्यौ स्याल भनेर
आउँदैछ आज उही भ्रष्टहरूको काल बनेर
एक अनुसन्धान निकाए तिम्रा सामुमा,
तिमीले गरेका कर्तुतको जाँच पड्ताल गरेर।

०००
टिकापुर, कैलाली