नेपाली हास्यव्यङ्ग्य अनलाइन पत्रिका

हाेम सुवेदी :

तुर्लुङ्ग‌ झुन्डिएकाे छ उज्यालाे
सूर्यका खाेकिलाबाट तप्पतप्प
चुहिएकाे छ
चन्द्रमाकाे बुङ्गाे कालाे छ
कुहिएकाे छ
अन्तरिक्षको चोके
अलिक नुहिएकाे छ
आकाशले बाछाे
भर्खर पायाे
पुरानाे भनेकाे नयाँ बाछाे रछ
उसकाे गाेठ
खर नभएर टालटुल गरेर पनि
थामिएकाे छ
के गर्नु र
फर्सिका जरा
निलाे मह
सेता खुदो
आगोका फूल फुलेर
आगाे फल्दैछ लटरम्म
समुद्रकाे छाेरोले तानेर
अन्तरिक्षको
पाइजामाको इँझार चुँडियो
बरबाद इजत तप्प तप्प छ
हिमालको सिरेटाे हप्प हप्प छ
आज मृत्यु मरेर
मङ्गाेलघाटमा दाहसँस्कार छ
मलामी जान भ्याइएन
तपाईँ जानुभाे ?
यता त बादल लागेर
आकाशबाट
आगाे परेकाे छ
गर्मी झप्पझप्प छ
जाडाे ताताे छ
हरियाे घाँस भाेकाएकाे छ
गाई खान पाएन अरे
यसैले बारीमा
गर्मी उम्रिएर हौसिएकाे छ
बतास
चुहिएर झुन्डिएकाे छ
फर्सिकाे जरा कुभिन्डिएकाे छ
काँक्रा ता सुम्ला नि
ताप्लेजुङ ता हुम्ला नि
कान्छो तेतैतिर घुम्ला नि
अब थकाइ गर्नु पर्छ
नत्र फर्सिकाे जराबाट
तिनपाने झर्छ
बरबाद छ बा….

०००
भद्रपुर, झापा