कुमार खड्कामहाकवि देवकोटाप्रति
भय, त्रासका अतिरञ्जना छ यहाँ निर्भयको ध्वजा गाड्न चाहन्छु, घृणा र कुण्ठाका हकदारलाई मायाका सकुन बाँड्न चाहन्छु ।
कुमार खड्का :
तिमी शून्यमा शून्यसरि बिलाएँ भन्छौ
म अंकमा शून्य मिलाउन चाहन्छु,
निराशा भित्रको भुमरीमा हैन
आशाको भरोसा दिलाउन चाहन्छु ।१
शोकका भावना विर्सिएर हमेशा
हर्षका हस्तरेखा कोर्न चाहन्छु,
भासिएका पाइला मुनिको
काँधे टेको बनि व्यहोर्न चाहन्छु ।२
भय, त्रासका अतिरञ्जना छ यहाँ
निर्भयको ध्वजा गाड्न चाहन्छु,
घृणा र कुण्ठाका हकदारलाई
मायाका सकुन बाँड्न चाहन्छु ।३
आशाको अथक दियो बाल्दै
खुला आकाशको विचरण चाहन्छु,
सकार भावका घैला भर्ने
कर्म प्रभावी सङ्कल्प चाहन्छु ।४
आउ ! मिलाउ हाम्रा हातहरु सबै
पाइलाहरु बढाउ साथ साथ सबै,
सूर्योदयको लाली किरण सँगै
निम्ट्यान्न पारौं घात, प्रतिघात सबै ।५
०००
आलापोट, काठमाण्डौं ।
२०८२/०७/०२
अती सुन्दर कविता उहाँकोकविताहरु लेखन शैली ,शब्द मिठास यथार्थ परक हुन्छ ।उहाँको साहित्य क्षेत्र को उचाई यसैगरी बढदै जाओस ।