नेपाली हास्यव्यङ्ग्य अनलाइन पत्रिका

खगेन्द्र नेउपाने :

चुनाव हाे कि गाेरु जुधाई हाे ?
अघि नै समर्थक दर्शकहरु
डिल डिलमा
आलीमा बारीका पाटामा
काेही पर्खालमाथि काेही बाटामा
आइसके
साइसाइ र सुइसुइ हाक्कहुक्क बनाइसके
ए !! फलानो गाेरु यति बर्षकाे
ढिस्कानुकाे गाेरु काेेशी पारिबाट ल्याएकाे ।

याे चुनाव पनि गाेरु जुधाई जस्तै भयाे
जुधुन्जेल मात्र मजा आउँने
जुधुन्जेल मात्र दर्शक पाउँने
गाेरु जुधीसके पछि
दर्शकहरु थाकेर घर पुग्छन्
जित्नेहरु हार्नेलाई खुइल्याउँछन्
हार्नेहरु जित्नेलाई थुक्छन्

चुनाव पनि त्यस्तै भयाे
मात्र हारजितकाे खेल जस्तो
मिति आउँनुभन्दा महिनाैं अगाडि
काेही फुर्किन थालिसके
लाखेस ! भन्दै पाखुरा सुर्किन थालिसके
मात्र एउटा खेल जस्तो
धक्कम धक्का र ठेलमठेल जस्ताे ।

वास्तवमा याे चुनावले दिने पनि केही हाेइन
मात्र केही थान सदस्य
आउने छन् मञ्चमा आसन जमाउने छन्
उपरखुट्टी लगाउँने छन् गाडी समाउने छन्
जतिसुकै उफ्रिए पनि
चुनाव पछि सबै पछुताउने छन्
थत्तेरिका भन्दै पुर्पुराे समाउने छन् ।

०००
गाैरादह, झापा