नेपाली हास्यव्यङ्ग्य अनलाइन पत्रिका

अचम्म हो, अद्भूत हो जात मानिसको
कहाँ छाम्न सकिन्छ र आँत मानिसको !

कपडाले छोपिएको दुई खुट्टे जन्तु
के के हुन्छ मनभित्र खात मानिसको ?

भोगेको छ जिन्दगीले रङ्ग अनगिन्ति
चाखेको छु मज्जासित घात मानिसको ।

सप्रिएन यो माटोमा खेती विश्वासको
पत्याउनै मुस्किल भयो बात मानिसको ।

दैवलाई, भाग्यलाई दिन्छौं दोष हामी
देख्छु म त जहाँ पनि हात मानिसको ।

चितवन