नेपाली हास्यव्यङ्ग्य अनलाइन पत्रिका

एक :  ठिक छैन अचेल

तिम्रो आँखाको प्रहार ठिक छैन अचेल
तिमीलाई छोएर बहने बहार ठिक छैन अचेल
रूपको पनि त एउटा सीमा हुन्छ प्रिय
अति भयो त्यो अनुहार ठिक छैन अचेल ।

दुई : कसरी बज्छन् चुरा ?

यहाँ जसले जे पनि भन्छ कुरा बिचार गरेर सुन्नू
आफ्नैको पनि भरोसा हुन्न पुरा बिचार गरेर सुन्नू
यो ठाऊँ केटा मात्र बस्छन् केटी आउन निषेध छ
रातभर कसरी बज्छन् चुरा बिचार गरेर सुन्नू ।

तीन : मायाको स्वभाव

सुरु सुरुमा माया प्रचूर हुन्छ
अलि पछि माया झूर हुन्छ
त्यसपछि माया दूर हुन्छ
यो त मायाको स्वभाव नै हो
यसमा मान्छेको के कसुर हुन्छ ?

चार : छद्मभेषी

घरीघरी लाग्छ–
देशमा बस्दैमा मात्र मान्छे देशी हुँदैन
बरू अचेल, देशमै बसिरहनेहरू
बढी विदेशी हुन थालेका छन्,
राष्ट्रियता भन्नु तिनको मखुण्डो मात्र हो
ती पूरै छद्मभेषी हुन थालेका छन् ।

हाल : अमेरिका