धनराज गिरीसाले राजनीति
जहाँ पनि हुन खोज्छ भाले राजनीति
उस्तै लागे अचेल तारे माले राजनीति ।
रातो नीलो पहेलाको फरक रङ्ग मात्रै
काम उही भन्नुहुन्थ्यो बा’ले– राजनीति ।
धुन्धुकारी भष्मासुर पाल्छन् हरेक घरमा
गुण्डाहरू सारी अघि थाले राजनीति ।
शकुनीका बाउहरू आए मैदानमा
स्वयम् भयो जुवाडे र खाले राजनीति ।
भई दिक्क ज्ञानी ध्यानी लागे लाखापाखा
भन्न थाले भाँडमा जाओस् साले राजनीति ।
चितवन
