नेपाली हास्यव्यङ्ग्य अनलाइन पत्रिका

थियो एक मान्छे गधामा चढेको
मुखै चाहिँ उल्टो फिराई बसेको
गधा फर्किएको थियो पूर्व तर्फ
उता उ भने वारुणीप्रान्त तर्फ ।

गधा जान खोज्दैछ आफै अगाडि
सवारी भने हाँक्न खोज्ने पछाडि
न उस्को इशारा गधा बुझ्न सक्छ
गधा खोज्छ के ऊ न त बुझ्न सक्छ ।

छडीले ठटाएर हिँड्मात्र भन्छ
रिसाएर गाली अनेकौं निकाल्छ
कि ता हान्छ लात्ती किता दिन्छ मुड्की
अनेकौं घरी लाउने गर्छ धुर्की ।

कमलपोखरी, काठमाडौं