नेपाली हास्यव्यङ्ग्य अनलाइन पत्रिका

यो समय यति खतरनाक बनेर आएको छ
मलाई लाग्छ कसैले काजमा खटाएको छ ।

आफै भन्नुहोस् यी दुईमा कुन धार्मिक होला
एउटाले मन्दिर अर्काले जीवन बचाएको छ ।

यमराजको अदालतमा आगो लगाउनु पर्छ
किन सबैलाई एउटै फैसला सुनाएको छ ?

हजुरबाको साहुले मलाई पनि नछोड्ने भन्दै
सपनीमा पनि त्यही तमसुक देखाएको छ ।

तिमी आफैलाई आफैले छुरी हान खोज्दैछौ
किन कि त्यो मुटुले तिमीलाईनै सजाएको छ ।

हेरौँ उसले युद्ध कसरी जित्दो रहेछ भोलि
हतियारको प्रतिकार गर्न कलम समाएको छ ।

खगेनकोट– ९, मंसिरी, जाजरकोट