नेपाली हास्यव्यङ्ग्य अनलाइन पत्रिका

जो पैसानिम्ति बिक्तैनन् ती राम्रा पर बस्तछन्
जो नराम्रा लोलुप हुन् ती कमाउन पस्तछन् ।

राम्रालाई नराम्राले ठेली पर पुर्याउँछन्
राम्रा भैगो नि ता भन्दै आफैले मार्ग छोड्दछन् ।

विरोध गर्ने राम्राले दुःख सङ्कष्ट पाउँछन्
फुजेलको काण्डजस्तै ज्यानै पनि गुमाउँछन् ।

डोरी बाँधेर तानिन्छन् घररर्र घिसारिँदै
कुटिन्छन् बल्ल मारिन्छन् गोलीले शिर छेडिँदै ।

कुनै पार्टी छैन राम्रो सबैमा दुष्ट माथि छन्
पैसा खर्च गरे पुग्छ लगिन्छन् माथि माथि झन् ।

देश नेपाल यस्तै हो पशुका पति नाथ छन्
जो सोझा पशुका लागि घाँस हालेर पाल्दछन् ।

कमलपोखरी, काठमाडौं