धनराज गिरीकुरा उस्तै उस्तै
माधव, ओली जो भए नि कुरा उस्तै उस्तै
नाडी मात्र फरक हो चुरा उस्तै उस्तै ।
देखेपछि लालीपप अनि मिठो कुरा
लठ्ठी हाल्ने बल्खुबासी भुरा उस्तै उस्तै ।
पुरानै छ रथ हजुर पुरानै छ पाङ्ग्रा
केही छैन परिवर्तन धुरा उस्तै उस्तै ।
हुक्काँ हुक्काँ गर्न थाले बहरहरू पनि
साँढे फरक लागे पनि जुरा उस्तै उस्तै ।
सबै घर चर्केका छन् कसको पर्ने भर ?
यो देशका मन्दिरहरू पूरा उस्तै उस्तै ।
सकेसम्म चुनाव नहोस् ! भन्छ अएमाले
सगोत्रीको खल्तीभित्र छुरा उस्तै उस्तै ।
चितवन
Subscribe
Login
0 Comments
Oldest
