नेपाली हास्यव्यङ्ग्य अनलाइन पत्रिका

यी हातहरू
कहिले मुट्ठी बनेर
सँगसँगै आकाश माथि उठ्छन्
र नवयुगको सङ्खघोषष गर्छन्
तिनै हातहरू
कहिले धारे बनेर
एक अर्कामाथि
विभत्स बिष बर्षाउँछन्
र परिवर्तनका बाधक बन्छन्,
यी हातहरू
कहिले साँग्लो बनेर
एक अर्काको रक्षा गर्छन्
र बैरीहरूमाथि जाई लाग्छन्
तिनै हातहरू
कहिले मित्रघात गरेर
बैरीहरूसँगै अङ्कमाल गर्छन्
र परिस्थिति फेरेको कुरा गर्छन्
यी हातहरू
कहिले कलम बोकेर
बिचारहरूको बाहक बन्छन्
तिनै हातहरू
कहिले हिंसा बोकेर
बिचारहरूको सर्वनास गर्छन्
र बाटो बदलेको कुरा गर्दै
दर्शनको नयाँ बिश्लेषण गर्छन्,
धन्य छन् हातहरू !
मुर्धन्य छन् हातका चमत्कारहरू !!

काठमाडौं