नेपाली हास्यव्यङ्ग्य अनलाइन पत्रिका

छन्दमै हाँस्दथ्यौ भानु, छन्दमै नाच्दथ्यौ तिमी
छन्दमै बाँच्दथ्यौ भानु, छन्दकै दीप्तिमा तिमी ।
बाँसुरी नगरा झुर्मा, मुरली छन्द खैजडी
रसालङ्कारका ताल, गुणका अर्थका कडी ।।१।।

स्वार्थीका पाउँछौ निन्दा, प्रशंसा भाटका अति
बेचेर भानुको नाम, बनाए जिन्दगी कति ।
तिम्रा सालीक ढालेर, खुम्च्याए काव्य–माधुरी
तिम्रा सालीक टालेर, कमाए धनका चुली ।।२।।

स्वार्थी छन् भक्त आशक्त, घटिया तुच्छ निन्दक
गम्भीर लेखनी छैनन्, मात्र भन्जक– चन्चल ।
देश—विदेश घुम्दैछन्, तिम्रै नाम र काममा
स्वार्थमै रङ्मङिएका यी, पुग्दैनन् काव्य धाममा ।।३।।

धादिङ