नेपाली हास्यव्यङ्ग्य अनलाइन पत्रिका

हामी भाले र पोथी सँग सँग गुँडमा भव्य प्रासाद ठानी ।
पानी होस् ! घाम जे होस् ! प्रकृति कठिनता हुन्छ सामान्य ठानी ।
बस्छौं ! सानन्द उड्छौं क्षितिज यही भरि रू दूर थाहा कहाँ छ ?
आफ्ना प्यारा बचेरा पनि सँग यदि छन् ! लाग्छ– यो विश्व हाँस्छ ! ।।१।।

हाम्रो पारा छ आफ्नै ! अलिकति मनको सोच ! आफ्नै छ दृष्टि !
को वैरी ! को विरानो ! वरपर सव नै लाग्छ यो भव्य सृष्टि !
छौं ज्यादै मख्ख आफैं ! छिन दिन महिना वर्ष थाहा कहाँ छ !
बित्छन् ! बित्लान् ! युगौं नै ! सँग सँग गुँडमा हुन्छ थाहा कहाँ र ! ।।२।।

झर्रो नेपाली घर चन्द्रगढी, झापा