नेपाली हास्यव्यङ्ग्य अनलाइन पत्रिका

१. ऋषि खोज्ने खोज्दै रहे ! ऋषिपुत्र जागे !
निष्पक्षको जुग गयो ! मुखै फोर्न थाले !

२. वेवकुफ पार्नु पर्छ हतियार दरो !
पार्टी दरो छान्नु पर्छ ! सुखै खोज्न थाले !

३. जे पनि पो बोल्नु पर्छ ! यही पारा दरो !
बोल्नेको नै पिठो विक्छ ! खुलै बोल्न थाले !

४. जान्नु पर्छ कहाँ धेरै ? सूत्र बुझे भयो !
फर्मुला छन् यहाँ केही ! सोझै लुट्न थाले !

५. विरोधी त सधैं थिए ! ती नकुर्लेर भयो ?
प्रजातन्त्र चाहियो नि ! मखुण्डो नै लाए !

६. जे गर न ! छालै गन ! मुख पार्ने ठाडो !
उनै ! उनै ! हरे ! हरे ! खानैसम्म खाए !

७. फेसबक हेर ! कि लौ ! अखवार हेर !
पारा उही ! हुल उही ! दिग्दार नै लाए !

८. बाठा सधैं सधैं बाठा ! लाटा सधैं लाटा !
यस्तो किन ? यस्तै प्रश्न ! छक्कै पर्न थाले !

झर्रो नेपाली घर चन्द्रगढी, झापा