नेपाली हास्यव्यङ्ग्य अनलाइन पत्रिका

शत वार्षिकीको बेला, मेला भर्दै डुलौ सब
भूगोल मात्र डुल्दैमा, हुन्न मुलुकको जय ।
बीपी विचार आचार, व्यवहार समाजमा
उतार्ने भीषम सङ्कल्प, नेता देखाउ आफूमा ।।१।।

उन्का दर्शन सिद्धान्त, लत्याई राजकाजमा
कुम्भकर्ण अगस्ति झैं, देखिँदैछौ समाजमा ।
भूगोल मात्र डुल्दैमा, हनुमान बनिन्न है
दिमाग धोउ हे शीर्ष, त्यसै तीर्थ खनिन्न है ।।२।।

अवैध धन सम्पत्ति, बुझाउ राष्ट्र कोशमा
समता लोककोतन्त्र, राष्ट्र लौ हेर होसमा ।
चप्पले जिन्दगी बिर्सी, कुर्सी आराम राम भो
जीर्ण चिन्तन बोकेर, हिंड्ने हामी हराम हो ।।३।।

धादिङ