नेपाली हास्यव्यङ्ग्य अनलाइन पत्रिका

१. मरे पछि यम राज ! मर्नु हेर्नु किन ?
जिउंदै नै यम राज हेरिया’ छ ढुक्क !!

२. जसलाई धर्म राज ! उही यम राज !
यो जुनीमै भेटिया’ छ डर लाग्दो रूप !

३. ओहो ! कस्तो गजव हो ! मेरो प्राण प्यारो !
उही लिन्छ डर लाग्दो यम राज रूप !

४. गरुडको पुराणले तर्साएको किन ?
सपनीमा विपनीमा मोरो यम राज !

५. आफ्नै काम ! आफ्नै त्रुटि ! खाडल भो आज
सम्झी सम्झी थर्कमान ! ओहो ! यम राज ।

६.नहुने यो मायाँ प्रीति ! बगैंचाको स्वप्न !
‘खाइस् खुँदो !’ हप्काउँछ महान् यम राज !

७. ‘अहम् !’ ‘म हुँ !’ ‘मै हुँ !’ भैंसी राँगो बढे ! बढे !
घुमेका छन् प्रचण्ड भै यिनै यम राज !

८. धूर्तताका ब्वाँसाहरू ! होक्काँ साँढेहरू
हाउ ! हाउ ! होक्काँ होक्काँ ! यिनै यम राज !

झर्रो नेपाली घर, चन्द्रगढी