बद्रीप्रसाद दाहाल ‘भस्मासुर’सहमति गति
सहमति अति राम्री, कल्पनाकी परी हुन ।
सहगति मति भाड्ने, जल्पनाकी चरी हुन ।।
विरबल खिचडी झै, चल्न थालेछ भेला ।
छल–फल–कल साध्ने बल्न थालेछ मेला ।। १।।
विगत सरह नाच्दै, अङ्ग भाच्दै नहास ।
जनमतसित खेली, बासी हल्वा नमात ।।
दमन सहन गर्दै, बस्न हामी सकिन्न ।
नियम–विधि नआये, क्रान्ति पोखिन्छ टन्न ।। २।।
अझ पनि उही लोभी, पापिला जुक्ति झिक्दै ।
सहमति गति भन्छौ, भागबन्डा छिचोल्दै ।।
कुकुर पुछर जस्तै, सोझिने ताल छैन ।
जनमत बुझ नेता, पूर्ण आबाल छैन ।। ३।।
धादिङ
