मरुभूमि नारायणबाक्लो वस्त्र नलाऊ प्रिय…
सुकेको रूखमा आँसु फल्छ भने फलाऊ प्रिय
आँसुको तालमा जीवन जल्छ भने जलाऊ प्रिय ।
किन जान्छ्यौ मुक्तिनाथ, गोसाइकुण्ड, त्रिशुली
सबैभन्दा पवित्र हो आफ्नै आँसुको तलाउ प्रिय ।
राम्रो गर्ने सधैं पछि नराम्रो गर्नेले खान्छ बसी
गरेर डाहा अरूको आफैंलाई आगो नलाऊ प्रिय ।
तिमी मेरी म तिम्रो जुठो माया छ हाम्रो
लोडसेडिङ्मा बत्ती निभाइ भेट्न नआऊ प्रिय ।
ब्रत बस, कुपुत्रो नै जन्मियोस् भगवान् भनी
अनशनमा लुकेर खाऊ देख्नेगरि नखाऊ प्रिय ।
के भाको आज भोलि हराउँदै गयो गन्यू चोली
डेटिङ्मा ढिला होला बाक्लो वस्त्र नलाऊ प्रिय ।
तनहुँ
Subscribe
Login
0 Comments
Oldest
