नेपाली हास्यव्यङ्ग्य अनलाइन पत्रिका

ए दाजुभाइ हो !
पाएछौ मैले पठाएको चिठी
भब्यताका साथ मनाउन फुपूको अठारौँ पुन्यतिथी
लौ जम्मा होउँ, यो विशेष उत्सव– पक्कै केही हो
सराद्दे गर्ने हो, राम–रमाइलो गर्ने हो– त्यही हो !
ठुलदाइ तपाईं डण्डा बोकी आउनू ल !
नकच्चरालाई तह लाउनु पर्छ ।
सान्दाइ तपाईं तन्ना बोकी आउनू ल !
श्वेतपाटीमा ओछयाउनु पर्छ ।
एइ भुण्टे, पोक्चे भाइ, सुकुटी ल्याउन नबिर्सी बा !
सराद्दे सकेपछि मजाले मुख रसाउनु पर्छ ।
सुपारी बोकेर आउलास् नि झुक्किएर, गैराघरे काइँला !
बरु नरिवल बोकेर आइज, मजाले चपाउँला ।
माछा फ्राइ ले बाबै भनेको छु माइलो–दीपेलाई
लपक्कै पोखरीको बिचमा बस्छ त्यो भाइ
सबैले केही न केही बोकेर आउनू सम्मान छ भनेर
स्पष्ट भनिदिएको छु डाँडाघरे तन्नाम छ भनेर !
काठमाडौं