नेपाली हास्यव्यङ्ग्य अनलाइन पत्रिका

हामी ठूला, दलपति भनी, डुग्रिए शीर्ष–नेता
थाङ्ना लूला, गुटपति कयौँ, बोझिला रुग्ण नेता ।
मार्दै आन्दोलन मन यहाँ, मूल्य मासेर सग्ला
मात्रै दिन्छन्, रङ–विरङका नीच हल्ला र खल्ला ।।१।।

मोदी गर्छन् भ्रमण अब ता, फेरि भन्छन् हुँदैन
मन्त्री मन्त्री, कलह झगडा, लाजले नै छुँदैन ।
दाता ढाँट्दै, जनकर लिई, मोज गर्ने उपल्ला
मात्रै छर्छन्, रङ–विरङका, तुच्छ हल्ला र खल्ला ।।२।।

अर्बौ मासी, रकम यसरी, हुन्न कैल्यै बिकास
झारा तिर्ने, रङ–पिच गरी, कोश पार्यौ विनाश ।
लिङ्गाचौका, अतिसय बढे, तामसी भोज तल्ला
मात्रै दिन्छौ, अधम गफका, नीच हल्ला र खल्ला ।।३।।

यस्तै पाजी, मन मगजले, सप्रला कूटनीति ?
मात्रै फर्जी, मन मगजमा, देखिए फूटनीति ।
के चल्ला खै ? मुलुक अगुवा, शीर्ष नै घोर– झल्ला
दिन्छौ नाना, रङ–विरङका, तुच्छ हल्ला र खल्ला ।।४।।

धादिङबेँसी