धनराज गिरीपिपलपाते मान्छेलाई
पिपलपाते मान्छेलाई हावाले नै तान्छ
हुन्छ लाभ जतातिर त्यतैतिर जान्छ ।
ज्ञान अनि विवेकको पर्दैन ऊ भर
बन्छ लोभी आखिरीमा खानु हण्डर खान्छ ।
हिजो पनि यस्तै भयो मानिसको चाला
जानी जानी आफूलाई नरकमा लान्छ ।
बाउन्ने र नाम्चेबजार देख्छ अरुलाई
आफूलाई धौलागिरि सगरमाथा ठान्छ ।
हेर हेर मनुवाको लिला पनि कस्तो !
ताक्छ ताक्छ अरुलाई आफैंलाई हान्छ ।
चितवन
Subscribe
Login
0 Comments
Oldest
